SAMLINGSPLASSEN
RAUALØO er startpunkt og samlingsplass for alle arenaene i FATLANDSKOGEN.
Her er parkeringsplass, informasjonsplakatar, kart, og skilt til arenaene.
På den store infotavla (bildet) finn du kart over heile området, og litt tips og reglar. Studer denne før du legg i veg første gongen du er her.
I ein postkasse på veggen finn du brosjyren vår, med kart over området. Denne tar du med deg ut i terrenget, slik at du ikkje tullar deg vekk. Elles er det godt skilta overalt i FATLANDSKOGEN, slik at mange vel å gå berre etter skilta.
Bua som infotavln og postkassen står på, kallar me for Karolinebua. På fine dagar har ofte Karoline utstilling og salg av flotte redesign-artiklar her.
Brosjyren kan du forresten lasta ned her.
25.11.2024
Krysset der du tar av frå hovudvegen.
FINN FRAM TIL OSS
Du finn fram til RAUALØO slik:
Frå Husnes køyrer du gjennom Halsnøytunnellen. I rundkøyringa på Tofte tek du rett fram, mot Sydnes. I neste kryss tek du til høgre, mot Sydnes. Så køyrer du om lag 6 km, til Fatland. Det er to kilometer før ferjekaien på Sydnes.
Når du er på Fatland, ser du bildet til venstre. Då tek du vegen oppopver mot venstre, slik du ser det på bildet, og dit skiltet "Turløyper" peikar.
Det står forresten også eit stort treskilt med teksten FATLANDSKOGEN PÅ.
Nokre hundre meter oppover mot skogen så kjem RAUALØO midt i mot deg!
25.11.2024
PARKERING
NB! Parker berre på høgre sida av vegen innover, på dei tre plassane som er merka A, B og C!
A har plass til maks 8 bilar, B har plass til 12, og C har plass til 20. Til C må du køyra rundt 100 meter forbi RAUALØO.
Parker berre på desse tre plassane, så er du ikkje i vegen for aktivitetane som me har på eigedommen elles.
NB! Ver snill å ikkje parkera i vegkrysset inn til sagbruket, då dette er snuplass for vogntog og buss! Og sjølvsagt parkerer du heller ikkje i rundkøyringa ved RAUALØO.
NB: Parker på tvers av vegretningen, slik bildet viser, ikkje på langs! På fine dagar er det nemleg gjerne bruk for alle plassane.
25.11.2024
Parker slik som dette, altså på tvers av vegretningen.
OG HUGS SKOGVETTREGEL NUMMER EIN:
Legg ikkje ut på tur utan å ha appelsiner, sjokolade og sitjeunderlag med deg!
Men skulle du likevel ha gløymt sitjeunderlag, kan du låna eller kjøpa hos oss. Dersom du vippsar minst 60 kroner (= sjølvkost) til 72 44 33, kan du ta med deg eit av dei praktiske sitjeunderlaga som du ser på bildet til høgre.
Du finn dei i NATURSTIEN.
26.12.2023
