ANDRE ETAPPEN: TIL TOPPEN AV HØGÅSEN
Denne etappen startar der bilvegen sluttar. Her er det traktorveg vidare eit stykke, så går det over til god sti. Det er bratt oppover, men for det meste tørt og fint å gå.
Du passerer eit steinbord som er laga av ei kjempestor steinplate. Den er 4,5 meter lang.
Stien går vidare oppover, og passerer rett under toppen av Høgåsen. Der har du eit mektig utsyn over det meste av Sunnhordlandsbassenget.
Den fantastisk flotte naturlege blåbærfuruskogen på sørsida av Høgåsen, er verneverdig.
Sist oppdatert 26.12.2023
Klikk på første bildet for å sjå større versjon. Høgrepil går til neste bilde.
Denne etappen startar ved det lange steinbordet.
Bursdagsfeiring i mai ved steinbordet.
I hogstfeltet i Høgåsen er det tusenvis av revebjøller (juli 2021). Eit fantastisk syn, med mange ulike fotomotiv.
Stien kjem oppover i søkket til høgre i bildet.
Info og skiltjungel er plassert ved det naturlege utsiktspunktet, som ligg litt nedanfor toppen av Høgåsen.
Frå utsiktspunktet ser du halve Sunnhordland.
Og på utsiktsbenken kan det sitja 7 personar ved sida av kvarandre. Godt å få kvila etter den strabasiøse oppturen.
Gjennom toppen av åsen går det eit markert skar mot sør.
Frå skaret og mot nordvest ser du revebjøller, skog, Ådnaviksneset, Utøyo, Huglo og Stord.
