GULLHAUG har eiga nettside, som du opnar ved å klikka knappen til høgre. Der kan du lesa om alt som skjer der, inkludert GULLHAUGKONSERTANE.
GULLHAUG ER MED I FJELLTOPPJAKTEN
Sjølv om GULLHAUG, med sine 80 meter over havet, knapt kan kallast ein fjelltopp, er han likevel med i det landsomfattande prosjektet Fjelltoppjakten.
Prosjektet går ut på å få folk til å besøkja fjelltoppar, gjerne ofte og mange. Du får poeng for kvar topp du er innom.
For GULLHAUG får du 8 poeng, og for dei største og høgaste fjelltoppane (som Ulvanåso og Folgefonno) får du 18 poeng. Det seier seg derfor sjølv at om du vil samla mest poeng, så går du oftare på GULLHAUG enn på Folgefonno.
I bildeserien ved sida av ser du nokre bilde frå poengtoppen vår, sjølvaste GULLHAUG.
Les meir på nettsida til Fjelltoppjakten.
Klikk på eit bilde for å sjå stor versjon. Høgrepil går til neste bilde.
04.01.2024
Utsyn frå GULLHAUG mot sørvest - i sommarhalvåret.
Ein av mange koselege detaljar du ser frå GULLHAUG.
Det er berre ro og fred på GULLHAUG.
Den store julestjerna på Gullhaug er synleg frå store delar av bygda, og frå langt ute på fjorden. Foto: Vibeke Teigen.
Ro og fred ein marsdag på Gullhaug.
Solnedgangen er praktfull.
Fantastisk å ha heile sunnhordlandsbassenget som bakgrunn for eit gruppebilde. (Publisert med løyve frå deltakarane på bildet.)
Fiskarane har funne fram til dei beste fiskeplassane eg hadde i barndommen, Lambaskårsflua (t.v.) og Skad'l (feb 2022).
Stol, blomar, rogn, Fatland, Sydnessundet, Fjelbergøy og Borgundøy. Koseleg maidag 2022.
Kapellet tek seg godt ut bakom det grøne buskaset nasjonaldagen 2022.
Nydelege Nemesia i blomsterkassane på GULLHAUG i ved slutten av mai 2022.
Nydeleg kveldssol på pinseaftan 2022. Foto: Hildegunn Ruud.
Dei eigenproduserte borda er det mange som legg sin elsk på (jonsok 2022).
Toppen av GULLHAUG veslejulaftan 2023.
Arne kviler under oppsetjing av pannekakebua på Gullhaug.
Anna legg siste hand på torvtaket på pannekakebua.
ANSVARLEGE
Planen er å gjera GULLHAUG til ein del av næringsgrunnlaget på garden. Grunneigarane Anna og Arne Gjerde er derfor ansvarlege for denne arenaen. På bilda ser du dei i arbeid i ein tidleg fase.
Per i dag kan du fritt gå opp dit og sjå på utsikta og kanskje setja deg ned og eta nista. Men etter kvart som prosjektet nærmar seg noko som kan kallast halvferdig i høve næringsverksemd, kan det bli restriksjonar på dette. Meir info vil då komma.
Det frivillige laget Gullhaugkonsertane har etter kvart blitt sterkt delaktige i arbeidet med å vidareutvikla den nedre delen av GULLHAUG, den som blir brukt under laget sine konsertar.
24.09.2024